18 من الوصايا العصريه للمحافظه على زوجك !

0
147

18 من الوصايا العصريه االتي تساعدك على الحفاظ علي حب الزوج الدائم لك :

1- لازم تحلقي عليه زي الفراخ وتعمليله قردة .. شكلا ومضمونا يحس كده أنك مولعة صوابعك العشرة شمع .
2- خسي .. تنامي في الجيم وتشيلي حديد وارقصي زومبا وارقصي تاني احرقي في نفسك .
3- اصبغي .. تطلعي من الجيم علي الكوافير وش .. تقصي وبروتين .. حطي بروتين كتير بتقومي منكوشة .

Image result for ‫الحفاظ على الزوج من الخيانه‬‎

4- اطبخي .. لا مفيش محشي من السوريات ووصفات من الفيسبوك .. اطبخي زي أمه .. حطي ملح وسمنة وكتري التقلية .. زودي الباشميل .. لا دايت ايه استغفر الله العظيم  .. أنتي اطفحي سلطة ماتضيعيش الرقص اللي فوق ده استهدي بالله .. اطبخي كويس .
5- حاضر …حاضر بتريح قولي حاضر علي أي حاجة وكل حاجة يا شابة .. لا تجادل يا أخ علي .
6- افردي بوزك تسعدي جوزك .. معروفة .. لا مرهقة ايه ومخنوقة ليه والعيال والفلوس وضهرك وهدة الجيم وصداع الكوافير ووقفة المطبخ وفقرة الواجب .. افردي بوزك فورا يا سعاد .. الضحكة الحلوة فين .. اهو يا شريف اهو .

Related image

7- سيبي الموبيل .. بطلي تشيري كلام هدام عن حرية المرأة وبطلي تعملي لايكات لبوستات فيها صور ظافر محروق ابو ظافر اللي مضايقه وملعون ابو الحرية .. شيري وصفات صفحة tasty واعمل لايكات لاخواته البنات .
8- كلمي أمه .. كل يوم مش يوم ويوم .. قوليلها يا ماما ايه طنط دي .. ماتسترخصيش في هدية عيد الام .. ادفعي هو انتي بتدفعي من جيبك كله خير ابنها .
9- العيال مسئوليتك الخاصة .. هو تعبان من الشغل .. تمارين مذاكرة مشاكل .. حاولي تجتهدي ذاتيا مع جروب واتس اب الامهات وظبطي نفسك .

Image result for ‫الحفاظ على الزوج من الخيانه‬‎

10- قولي حاضر تاني .. حاضر كتير وبوزك مفرود .. الضحكة الحلوة فين ؟ .. اهي يا شريف اهي .
11- اهتمي بعلاقتكم الخاصة  .. هو مش جايبك يلعب معاكي بلاي ستيشن أنتي ما سمكيش مدحت .. وكل اللي فات الاكل والجيم وفلوس البروتين كنتي بتعمليه ليه .. اسعديه اسعديه تاني.. وماله كمان مرة علشان مايبقاش فيه حيل يبص برا ..اتبسطتي وضحكتي .. تعالي هنا بقي أقولك كلام أهم .
12- مهم جدا تهتمي بالراجل والعيال وتسعدي كل اللي حواليكي لكن الأهم ماتجيش علي نفسك .. العطاء واجب مشترك .. بتدي حب وبتاخدي حب مش فلوس وبس .
13- لما تروحي الجيم أو الكوافير .. روحي علشان نفسك وجسمك ونفسيتك .. مش علشان راجل لأنه ممكن تسيبيه بس ماتسبيش نفسك !

Related image

14- لما تطبخي افهمي أن ده واجبك مش عبء عليكي مهم تأكلي ولادك أكل صحي نضيف وجوزك يرجع يلاقي لقمة معمولة بحب شديد .
15- شيري علي الفيسبوك اللي تحبيه واعملي لايكات اللي عايزاهم في حياتك وكلمي حماتك علشان دي صلة رحم وتقوليلها طنط أو ماما المهم ماتبقيش بتمثلي .. اللي بيكدب بيتوه من نفسه وبيعيش في نفاق اجتماعي بيفصله عن روحه .. بيبقي مشوه .
16- العيال مسئولية مشتركة .. اختاري الوقت المناسب واشركيه في تفاصيلهم وقضوا وقت سوا .. عيلة .. لهذا خلق الله العيلة لأنها مخلوق معاها الدفا .
Image result for ‫الحفاظ على الزوج من الخيانه‬‎

17- ماتقوليش حاضر وتريحي الزبون .. خليكي عاقلة في اختيار الوقت والطريقة المناسبة للنقاش لو مش عاجبك الكلام .. أنتي مش كرسي سفرة انتي أم وزوجة .

 18- الجنس .. أهم علاقة انسانية راقية خلقها ربنا وشرعها بالجواز ليربط روحين معا .. اوعي تفكري لثانية تمثلي أو تبقي لعبة تسحبيه بيها أو اداء واجب .. لازم تبقي بحب واستمتاع حقيقي ولحظة سكن لجسد وعقل وقلب انسان فتقوي الروابط بالعشرة .. لا تستكين الروح إلا بالحب !

اترك رد