الفارق الواضح بين الكابتن محمد صلاح وغيره .

0
336
الفارق بين الكابتن محمد صلاح وغيره .

 الفارق بين محمد صلاح واي لاعب مصري اخر لعب في اوروبا أربع حاجات : الصبر والإلتزام والإجتهاد والطموح .الفارق الأربع كلمات دول هتنجح بيهم سواء انت لاعب أو مهندس او دكتور او محاسب او شغال مبيعات او تسويق أو مدرس أو محامي أو …..……..

1- معني الصبر …… مش فقط انك تصبر شوية لحد ما تنجح ….لا خالص….. لكن الصبر معناه انك تصبر انك تتعلم وتصبر علي الظروف واختلاف العادات والتقاليد , وتصبر كمان علي الاحباط والصدمات , وتصبر كمان لما تفشل وتصبر علي اداء المجهود في التدريبات وفي المباريات أيضا .

2- معني الإلتزام ….. انك تلتزم تبع المنظومة الي انت فيها …. تلتزم بوقت وميعاد واداء ….. انك تهيأ نفسك للإنسجام مع ظروف البلد اللي أنت فيه , والمكان وتلتزم بقواعدهم وقوانينهم .

3- الإجتهاد …. انك تتعب وتبذل جهد وتتطور لحد ما مستواك يرتفع …..تجتهد كمان وكمان علشان توصل لحلمك وهدفك .

4- اخر حاجة ودي بقي من غيرها مش هتوصل الا وهي الطموح .

 

 

الفرق بين اي لاعيب مصري احترف خارج مصر و محمد صلاح ……. انهم كان اخر طموحهم وأحلامهم يروحوا يلعبوا بره نصف موسم او سنه أو سنتين علشان يتقال انهم لعبوا في الدوري الانجيليزي او الايطالي او الاسباني …… فعلشان كدا كانوا بيأدوا كويس سنه واتنين وبعد كدا بيستغنوا عنهم وبيطردوا او يرجعوا بلادهم . لان اقصي طموحه كان انه فقط يلعب بره .
لكن صلاح …..طموحه لا ينتهي…… الراجل واضع في ذهنه أنه يبقي احسن لاعب واحسن هداف في الدوري اللي بيلعب فيه  …. الراجل راح لعب في سويسرا ثم انجلترا ثم ايطاليا ثم انجلترا تاني.
كان سهل جدا لما قعد موسم كامل إحتياطي على دكة البدلاء في تشيلسي الإنجليزي انه يرجع ويقول كفايه بس هو قرر أنه يكمل .. صلاح بالتاكيد كان اوقات بيبكي من كثرة الاحباط والفشل والانهيار …

 

 

 

ولكن القصه كلها هي قصة الطموح …… حد عاوز يوصل للسماء…. حد عاوز يبقي رقم واحد .. النهاردة محمد صلاح أخذ جائزة احسن لاعب في الدوري الإنجيليزي .. النهارده صلاح رفع اسم مصر عالي .. في ناس بتتريق عليه وتقول يعني مثلا هو فتح القدس او حرر المسجد الاقصي ؟؟…لا خالص هو مفتحش القدس ولا حرر المسجد الاقصي .. بس محمد صلاح لما يجيب جول …. بيسجد امام ملايين الناس….فبيوصل دعوه غير مباشره يفهمها الكل .
لكن حضرتك قاعد زي الحاجه فتكات في البيت تنتق بس علي الفيس بوك لان اخرك كدا…… في ناس فقط اخرها تضيع فرحة الناس , لا انكر ان الكرة مجرد لهو ولها اضرار ملحوظه ..بس بلاش بقي نقعد نضيع فرحة الناس اللي فرحتهم مش كتيره ..يارب يبقي عندناااااا زي محمد صلاح في كل مجالات الحياه….

اترك رد